Denıs Tenniń ólimine qatysty alǵashqy sot otyrysy ótetin kún belgilendi
ALMATY. QazAqparat - Denıs Tenniń ólimine qatysty is boıynsha alǵashqy sot otyrysy 25 jeltoqsan kúni Almatydaǵy qylmystyq ister jónindegi mamandandyrylǵan aýdanaralyq sotynda ótedi, dep habarlaıdy QazAqparat tilshisi.
Sot otyrysyna sýdıa Keńshilik Ábdildınov tóraǵalyq etedi.
Sottalýshylar oryndyǵynda - Arman Qudaıbergenov, Nuraly Qııasov jáne Janar Tolybaeva. Olarǵa tonaýshylyq, adam óltirý jáne qylmys týraly habar bermeý boıynsha aıyptar taǵylǵan.
Qylmystyq is 38 tomnan turady.
Eske salsaq, qazaqstandyq mánerlep syrǵanaýshy Denıs Ten 19 shilde kúni pyshaq jaraqatynan kóz jumǵan edi.
Almatylyq dárigerler pyshaq jaraqatyn alǵan Denıs Tendi aman alyp qalýǵa baryn salǵanymen, tym kóp qan joǵaltqan sportshynyń janyn saqtap qalý múmkin bolmady.
Albert Ahmetov
