Denıs Tenniń ólimi: Kúdikti Arman Qudaıbergenovke qatysty tyń málimetter belgili boldy
Kúdikti Arman Qudaıbergenov Qyzylorda oblysy Baıqońyr qalasynyń turǵyny burynda da sotty bolǵandyǵy anyqtaldy.
«Bul azamat 2013 jyly sottalǵan. Ol kezde kúdiktiniń jasy 17-de bolǵan. Tergeý barysynda Arman 2012 jyldyń 9 jeltoqsanynda qaraqshylyq áreketke barǵandyǵy dáleldengen. ıAǵnı, ol túnde kóshede ketip bara jatqan azamatty soqqyǵa jyǵyp, uıaly telefonyn tartyp alǵan. Sot úkimi boıynsha ol bir jylǵa bas bostandyǵynan shektelgen bolatyn, - dep málimdedi Qyzylorda oblystyq sotynyń baspasóz qyzmeti.
Aıta ketsek, Qazaqstandyq mánerlep syrǵanaýshy Denıs Ten 19 shilde kúni pyshaq jaraqatynan qaza bolǵan edi. Oqıǵa Qurmanǵazy Baıseıitova kósheleriniń qıylysynda 19 shildede túski saǵat 15:00 shamasynda bolǵan. Sportshy kóliginiń aınasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh lıtr qan joǵaltyp, aýrýhanaǵa óte aýyr jaǵdaıda jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsınov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanımatsııalyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olımpıada júldegeri qaıtys boldy.
Adam óltirý babymen qylmystyq is qozǵaldy.
Búgin belgili bolǵandaı, sportshynyń ólimine qatysy bar eki kúdiktiniń biri ustalyp, ol qylmysyn moıyndady. Ekinshi kúdikti - 1994 jyly týǵan Qyzylorda oblysy, Qarmaqshy aýdany, Aqaı aýylynyń týmasy Arman Qudaıbergenovke izdeý jarııalandy.
Sondaı-aq, Denıs Tenniń ólimine kúdikti Nuraly Qııasov kúzetpen Almaly aýdandyq sotyna jetkizilgen.
Al aldyn ala taratylǵan aqparat boıynsha Denıs Tenniń ólimi boıynsha kúdikti ekinshi adam Arman Qudaıbergenov ustaldy.
