Denıs Tenniń muz aıdynyndaǵy shoýyn Eýropa men Azııa telearnalary kórsetýi múmkin
ASTANA. QazAqparat -Qazaqstandyq mánerlep syrǵanaýshy Denıs Tenniń muz aıdynyndaǵy «Olımpıada energııasy» shoýyn jaqyn arada sheteldik telearnalar kórsetýi múmkin, dep habarlady Vesti.kz.
«Telenusqany biz Almatydaǵy shoýdyń ekinshi kúni túsirdik, - dedi Denıs Ten. - Osy kúni bizge shoýdy basqa elderde kórsetý quqyǵyn satý múmkindigine baılanysty suranystar túsip jatyr. Biraq ázirge bul máseleni sheshken joqpyz. Meniń maqsatym - shoýdy búkil elge kórsetý, aldaǵy ýaqytta ol qazaqstandyq telearnalarda kórsetiledi dep úmittenemin. Shoý zor halyqaralyq qyzyǵýshylyq týdyrdy. Maǵan búkil álemnen kóptegen adamdar hat jazýda, al Italııa men Japonııa jankúıerleri tipti ony sol elderge aparýdy suraýda».
Aıta keteıik, Denıs Tenniń Almatyda 29-30 mamyr kúnderi, Astanada 1 maýsymda ótken shoýyn 10 myńǵa jýyq adam tamashalady. Oǵan álemdik mánerlep syrǵanaý juldyzdary - Olımpıada chempıondary Alekseı ıAgýdın, Tatıana Totmıanına men Maksım Marının, Evan Laısachek, Tatıana Volosojar men Maksım Trankov, álem chempıondary Mao Asada, Daısýke Takahası, Karolına Kostner men Braıan Jýber qatysty.
Almatydaǵy shoýdan jınalǵan qarjynyń bári Qazaqstandaǵy mánerlep syrǵanaýdy damytý úshin jumsalady. Bıletterdi satýdan túsken qarjyǵa qazaqstandyq jattyqtyrýshylar men mánerlep syrǵanaýshylardyń semınary uıymdastyryldy. Semınar men sheberlik synyptaryn Denıs Ten, Alekseı ıAgýdın men Braıan Jýber ótkizýde. Al Astanadaǵy shoýdan jınalǵan aqsha mı isigi aýrýyna shaldyqqan alty jasar Janbaı Nurtasqa ota jasaýǵa jumsalady.
