Denıs Tenniń qazasynan keıin 13 polıtseı jazalandy
ALMATY.QazAqparat - Almatyda Denıs Tenniń óliminen keıin ІІD-niń 13 qyzmetkeri jazalandy, dep habarlaıdy QazAqparat tilshisi.
19 shilde kúni Almatyǵa jedel qyzmet jumysyn tekserý úshin ári aldyn alý sharalaryn júrgizý úshin krımınaldy polıtsııa departamentiniń bastyǵy Armanbek Baımýrzınniń basshylyǵymen ІІM ortalyq apparatynyń qyzmetkerleri men ózindik qaýipsizdik qyzmeti kelgen bolatyn.
Qazaǵa qatysty jan-jaqty zertteý jasaý úshin Іshki ister mınıstriniń orynbasary Rashıd Jakýpov ta Almatyǵa at basyn burǵan edi.
«ІІD-ge praktıkalyq kómek kórsetý ári tekseris kezinde qoǵamdyq tártip saqtaýdy qamtamasyz etý máselelerinde shıkilikter baıqaldy. Qoǵamdyq oryndarda quqyq buzýshylyqtyń aldyn alý sharalaryn baqylaý barsynda jergilikti polıtsııa ınspektory jumysynan kemshilikter tabyldy.
Qyzmettik tergeý nátıjesi boıynsha qalalyq ІІD-niń 13 qyzmetkeri qatań jaýapkershilikke tartyldy, onyń ishinde basshylyqta otyrǵan 3 qyzmetker bar», - delingen Almaty qoǵamdyq keńes saýalyna bergen QR ІІM orynbasary Janat Súleımenovtyń jaýabynda.
Sondaı-aq, qalalyq jergilikti polıtsııa bastyǵy J.Baıkenov pen Almaly aýdandyq polıtsııa bastyǵy S. Kýmabekov qyzmetinen bosatylǵan.
Budan ózge, Almaty ІІD-de 27 shilde kúni ІІM orynbasary Rashıd Jakýpovtyń tóraǵalyǵymen jedel keńes otyrysy ótken bolatyn. Munda tekserý nátıjeleri saraptalyp, departament qyzmetiniń maqsaty belgilendi. ıAǵnı ashylmaǵan múliktik qylmystardy sapaly ári tolyq zertteý, múlik urlanǵan jerde izdeý sharalarynyń belsendiligin kúsheıtý, buryn sottalýshy retinde esepte turǵan adamdardy anyqtaýda jyldamdyq tanytý mindetteri alǵa qoıyldy.
ІІD men aýdandyq ІІB-da qylmysty zerttetýmen aınalysatyn arnaıy jedel tergeý toby quryldy. Top tegeýrindi tergeýshilerden quralǵan.
