Denıs Tenge eskertkish qashan ornatylady
ALMATY. QazAqparat - Almaty qalalyq Sport basqarmasynyń basshysy Rústem Baıseıitov Denıs Tenniń eskertkishi qashan ornatylatynyn aıtty, dep habarlaıdy QazAqparat tilshisi.
«Qazaqstandyq sportshy Denıs Tenniń esimin el esinde máńgilik saqtaý maqsatynda jumys atqarylýda. Qazir bul baǵytta fınaldyq bekitý júrip jatyr. Eskertkish sportshy qaıtys bolǵan jerde ornatylyp, mamyrda ashylý rásimi ótedi», - dedi Rústem Baıseıitov.
Sonymen qatar, sport basqarmasy Denıs Ten qorymen birlese otyryp, Ten atyndaǵy halyqaralyq týrnır ótkizýdi josparlap otyr.
«Qazir Halyqaralyq mánerlep syrǵanaý federatsııasymen bul saıysty halyqaralyq kúntizbege engizý týraly kelisim júrgizilip jatyr», - dedi Baıseıitov.
Onyń aıtýynsha, týrnırdiń qaı ýaqytta ótetini keıinirek habarlanady.
