Denıs Tendi óltirgenderge qatysty sot úkimi ózgerissiz qaldy
ASTANA. KAZINFORM – Tanymal sportshy Denıs Tendi óltirgenderge qatysty sot úkimi kúshinde qaldy, dep habarlaıdy QR Joǵarǵy sotynyń baspasóz qyzmeti.
Baspasóz qyzmetiniń málimetterine qaraǵanda, birinshi satydaǵy sottyń 2019 jylǵy 17 qańtardaǵy úkimimen A.B.Qudaıbergenov pen N.D.Qııasov aldyn-ala sóz baılasyp, jábirlenýshi D.Tenniń múlkin jymqyrǵany, urlyq jasaǵany, sondaı-aq, ony qasaqana óltirgeni úshin kináli dep tanylyp, árqaısysy 18 jylǵa bas bostandyǵynan aıyrýǵa sottalǵan bolatyn (QK-niń 192-baby 2-bóliginiń 1), 4) tarmaqtary, QK-niń 188-baby 2-bóliginiń 2) tarmaǵy, QK-niń 99-baby 2-bóliginiń 7), 8) tarmaqtary).
Apellıatsııalyq sot bul úkimdi zańdy kúshinde qaldyrǵan.
Joǵarǵy Sot 2024 jylǵy 10 qazanda atalǵan sot aktileriniń zańdylyǵyn jáne negizdiligin tekserdi, onyń qorytyndysynda olardy qaıta qaraýǵa negizderdiń bolmaýyna baılanysty sottalǵandardyń advokaty keltirgen ótinishhatty kassatsııalyq satydaǵy sot otyrysynyń qaraýyna berýden bas tartyldy.
Advokat ótinishhatynda sottalǵandardy aqtaýdy nemese olardyń adamdy óltirý dep saralanǵan áreketterin (QK-niń 99-babynan), abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirgen áreket retinde QK-niń 106-babynyń 3-bóligimen qaıta saralaýdy suraǵan.
