Denıs Ten jastar arasyndaǵy Álem chempıonatynda 4-oryn aldy
ALMATY. 7 naýryz. QazAqparat - Belorýs eliniń Mınsk qalasynda 24 aqpan men 4 naýryz aralyǵynda mánerlep syrǵanaýdan jastar arasynda Álem chempıonaty ótti.
Onda qysqa, erkin jáne eki kúnniń qorytyndysy boıynsha 3 medaldar toptamasy sarapqa salynǵan bolatyn. Azııa oıyndarynyń chempıony almatylyq Denıs Ten qysqa baǵdarlamada 73.78 ball jınap, kishi qola medaldi ıelendi. Al jarystyń qysqa jáne erkin baǵdarlamasynyń qorytyndy hattamasynda 208.20 ballmen tórtinshi oryn aldy.
«Bul Qazaqstan tarıhynda mánerlep syrǵanaýdan Álem chempıonatyndaǵy alǵashqy qola medal. Kishi medal - bul da medal», - dedi jarystan keıin D. Tenniń amerıkandyq bapkeri Frenk Kerroll. Denıs endi 26 naýryz ben 1 sáýir aralyǵynda Frantsııanyń Nıtstsa qalasynda eresekter arasynda ótetin Álem chempıonatynda baq synaǵaly otyr. F. Kerroldyń aıtýynsha, onda qazaqstandyq sportshy úzdik ondyqtyń qatarynan oryn alýdy josparlaýda.
