Denıs Ten jarys maýsymyn Slovakııadaǵy týrnırden bastaıdy
ASTANA. QazAqparat - Sochıdegi Olımpıada oıyndarynyń qola júldegeri, qazaqstandyq mánerlep syrǵanaýshy Denıs Ten jarys maýsymyn Slovakııadaǵy Ondreı Nepela memorıaly atty halyqaralyq týrnırden bastaıdy.
Búgin qysqa baǵdarlamanyń jerebesi ótti. Onyń nátıjesi boıynsha, Denıs Ten 6-nómirmen óner kórsetetin boldy. Jalpy erler arasynda jekeleı synǵa Slovakııa, Belarýs, Kanada, Chehııa, Estonııa, Ulybrıtanııa, Japonııa, Koreıa, Polsha, Reseı, Shvetsııa, Shveıtsarııa, AQSh jáne Qazaqstan elderinen 22 sportshy qatysady.
Eske sala keteıik, ótken maýsymda qazaqstandyq sportshy úshin sonshalyqty sátti ótti deýge kelmeıdi, qańtar aıynda oǵan jaraqattyń saldarynan tórt qurlyq jarysynan shyǵýǵa týra keldi. Bostonda ótken álem chempıonatynda Denıs tek 11-orynǵa ıe boldy.
Onyń ústine birinshilik barysynda jaısyz oqıǵa oryn aldy. Japondyq mánerlep syrǵanaýshy ıÝdzýrý Hanıý qazaqstandyq sportshy ony ádeıi qaǵyp ketti dep jala japty. Degenmen keıin, ıÝ.Hanıý keshirim surap, bul oqıǵa túsinbestik ekendigin aıtyp aqtaldy. Maýsym sońynda qazaqstandyq mánerlep syrǵanaýshy Seýldegi «All That Skate 2016» muz shoýyna qatysqan.
