Denıs Ten jaraqatyna qaramastan, jarysty qalaı ótkizgenin aıtty
ASTANA. QazAqparat - Belgili qazaqstandyq mánerlep syrǵanaýshy, Sochıdegi Olımpıada júldegeri Denıs Ten áleýmettik jelide jankúıerlerimen aýyryp turǵanyna qaramastan, halyqaralyq jarysqa qalaı qatysqany jaıly bólisti.
«Nege qatty aýyryp tur?» - dep oıladym da tańerteń muzdan shyǵyp kettim. Kıim sheshetin orynǵa aqsańdap áreń jettim.
- Keshke jarysqa qalaı shyǵasyń?
- Birdeńe qylarmyn.
Sóıtip Lıýksembýrgke keldim. Jarysqa shyqtym. Qysqa baǵdarlamadan keıin alǵa shyqtym. Erikti jarysqa shyǵasyń ba dep surady.
- Iá.
- Qalaı? - dep ýaıymdady anam.
- Bári jaqsy bolady», - dep jazdy Denıs áleýmettik jelige.
Atap aıtsaq, qazirgi ýaqytta qazaqstandyq mánerlep syrǵanaýshy Lıýksembýrgte Soupe du Rrintemps týrnırine qatysýda. Qysqa baǵdarlamadan keıin Denıs 86.95 ball alyp, birinshi orynǵa shyqty.
Sportshy AQSh-ta Bostonda 28 naýryz - 3 sáýir aralyǵynda ótetin álem chempıonatynyń aldynda jańa baǵdarlamasyn pysyqtaýda.
Eske salsaq, Denıs jaraqaty saldarynan aqpanda tórt qurylyq chempıonatyna qatysa almady. Budan buryn ol óz jankúıerlerin densaýlyǵyna alańdap, qoldaý kórsetkeni úshin alǵys aıtyp, Bostonda álem birinshiliginde Qazaqstan atynan mindetti túrde shyǵýǵa ýáde bergen.
