Denıs Ten: Jaraqatpen jarysqa shyǵý psıhologııalyq turǵydan qıynǵa soqty

PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan XXІІІ qysqy Olımpıada oıyndarynda qysqa baǵdarlamada óner kórsetken Denıs Ten jarystan keıin tilshilerge suhbat berip, pikirimen bólisti, dep habarlaıdy QazAqparat tilshisi.

«Bıyl men úshin óte qıyn boldy. Osy maýsymda jaraqattan tolyq aıyǵa almadym. Dese de, ata-babam týǵan mekende Olımpıada oıyndarynda óner kórsetkenime qýanyshtymyn. Maqtan tutamyn!

Qandaı qatelikterge boı aldyrǵanymdy jaqsy sezinip turmyn. Kúnde uıqydan oıanǵanda aıaǵymnyń jaraqaty bar ekenin sezip oıanamyn. Sondyqtan «jaraqatymen jarysqa shyǵamyn» degen oı kókeıimde turady. Men úshin psıhologııalyq turǵydan bul aýyr tıedi. Aldaǵy ýaqytta jaraqatymnan tolyqtaı saýyǵyp ketsem, úlken sportty jalǵastyra beretin shyǵarmyn. Negizi, «Sochı Olımpıadasynan keıin sporttan ketemin» degen oı bolǵan. Ony ýaqyt kórsete jatar.

Bizdiń Qazaqstanda jalpy qysqy sport mektebi bar. Sochıde men júlde alsam, mine, Phenchhanda ıÝlııa Galysheva elimizge alǵashqy qola medaldi saldy. Men ony jeńisimen quttyqtaımyn», - dedi Denıs Ten.
Eske sala ketsek, búgin Denıs Ten jeke óner kórsetetin qysqa baǵdarlamadan 70,12 (30,77 +39,35) upaı jınady.

Foto:Iztýrgana Aldaýeva