Denıs Ten Japonııadaǵy komandalyq álem chempıonatynda óner kórsetti
ASTANA. QazAqparat - Denıs Ten Tokıo qalasynda ótken «World Team Trophy» mánerlep syrǵanaý boıynsha komandalyq álem chempıonatynda arnaıy qonaq retinde qatysyp, óz ónerin pash ett, dep habarlady sports.kz.
Syılyq qory mıllıon dollardy quraıtyn jarysta AQSh quramasy jeńiske jetti. Bir upaıǵa ǵana artta qalǵan reseılikter ekinshi orynǵa, alań ıeleri úshinshi orynǵa ıe boldy. Denıs Ten shaqyrtylǵan gala-kórsetilim jarysty ǵana emes, bıylǵy chempıonattyń maýsymyn japty.
Atap ótý kerek, World Team Trophy synyna 2 mánerlep syrǵanaýshy ǵana shaqyrtyldy. Solardyń biri 21 jastaǵy qazaqstandyq, tórt qurlyq chempıony Denıs Ten. - Árıne, osyndaı bedeldi týrnırge shaqyrǵanyna rızamyn. Bul jarys stadıonǵa myńdaǵan adam jınap qana qoımaı, estýimshe, Japonııada halyqtyń 20 paıyzy telearnalar arqyly tamashalaǵan. Bul mánerlep syrǵanaýdyń tanymal ekenin, kópshiliktiń qyzyǵýshylyq tanytatynyn kórsetedi. Sporttyń bul túrin joǵary baǵalaıtyn mundaı qoǵam aldynda óner kórsetý úlken qýanysh, - dedi Olımpıada oıyndarynyń qola júldegeri «Habar» arnasyna bergen suhbatynda.
