Denıs Ten Japonııadaǵy komandalyq álem chempıonatyna qatysady
ASTANA. QazAqparat - Qazaqstandyq sportshy Denıs Ten 16-19 sáýirde Tokıoda ótetin ISU mánerlep syrǵanaý boıynsha komandalyq álem chempıonatyna qatysý úshin Japonııaǵa attanbaq.
World Team Trophy uıymdastyrýshylary jarysqa reglament boıynsha komandalar ǵana qatysatyndyǵyna qaramastan, Denıs Tenge shaqyrtý jibergen.
Japondyq muz aıdynynda 2014/2015 maýsymda ISU reıtınginde myqty altylyqqa kirgen ulttyq quramalar medalǵa talasatyn bolady. Jarysqa Denıs Ten qatysa almaıdy, al Qazaqstanda mánerlep syrǵanaýdyń basqa túrlerinde úzdik sportshylar ázirge joq.
Eske salsaq, Denıs 2014/2015 maýsymynda 8 medal (5 altyn+3 qola) utty, ol World Team Trophy-degi tórt qurlyq chempıony dárejesinde shyǵady.
World Team Trophy tórtinshi ret ótýde jáne 2014/2015 maýsymyndaǵy ISU jarystar kúntizbesin jabady. Tokıodaǵy medal úshin Reseı, AQSh, Japonııa, Kanada, Frantsııa jáne QHR quramalary jarysqa túsedi.
