Denıs Ten: Jankúıerlerime qoldaý kórsetkenderi úshin alǵys aıtamyn
ASTANA. QazAqparat - Mánerlep syrǵanaýdan álem chempıonatynyń qola júldegeri atanǵan Denıs Ten qazaqstandyq jankúıerlerge qoldaý kórsetkenderi úshin alǵysyn bildirdi, dep habarlady Vesti.kz.
«Álem chempıonatynyń taǵy bir alqasyna ıe bolǵanyma qýanyshtymyn. - dedi Denıs Ten. - Bul nátıje jaman emes. Erkin baǵdarlamada úzdik atanǵanyma rızamyn. Jankúıerlerime qoldaý kórsetkenderi úshin alǵys bildirgim keledi. Bul joly olardyń qatary qalyń boldy. Mundaıdy kútpegendikten rıza bolyp qaldym. Jańa ǵana maǵan fleshmob týraly aıtty, sońǵy kezderi áleýmettik jelilerde otyrmaımyn. Barlyǵyna alǵysym sheksiz. Men sizderdiń bastamalaryńyzdy joǵary baǵalaımyn. Meniń kórsetken ónerim sizderge kishkentaı bolsa da qýanysh syılady dep úmittenemin. Alda júzege asyratyn aýqymdy josparlarym bar», - dedi D. Ten.
Sondaı-aq mánerlep syrǵanaýshy tilshiniń: «Sizdiń basty maqsatyńyz 2018 jylǵy Olımpıada ma?» degen suraǵyna jaýap berdi.
«Qazirgi basty mindetim - alǵa qaraı jyljý. 2018 jyly Koreıada múmkindigimdi synaǵym keledi. Osy merzimge deıin jaqsylap daıyndalýym kerek. Olımpıada maýsymy aıaqtalǵan soń basty maqsatyma jetý úshin jaǵdaılardy jasaý mańyzdy», - dedi ol.
Eske sala keteıik, ıspanııalyq Haver Fernandes álem chempıony atandy, ekinshi orynǵa japonııalyq ıÝdzýrý Hanıý ıe bolsa, úzdik úshtikti Denıs Ten tuıyqtady. Denıs Tenniń qysqa baǵdarlamasy aldynda onyń Qazaqstandaǵy jáne shetelderdegi jankúıerleri súıikti mánerlep syrǵanaýshylaryn qoldaý maqsatynda fleshmob uıymdastyrǵan.
