Denıs Ten týraly derekti fılm túsirildi
ALMATY. QazAqparat - Almatyda Denıs Ten týraly derekti fılm jaryqqa shyǵady. Bul týraly Denıs Ten qory habarlady.
Derekti fılmdi 23 aqpan men 3 naýryz aralyǵynda Bekmambetov Sınema kınoteatrynan kórýge bolady. Týyndy belgili sportshynyń muzaıdyndaǵy shoýy týraly bolmaq.
Eske salsaq, qazaqstandyq mánerlep syrǵanaýshy Denıs Ten 19 shilde kúni pyshaq jaraqatynan qaza bolǵan edi. Oqıǵa Qurmanǵazy men Baıseıitova kósheleriniń qıylysynda 19 shildede túski saǵat 15:00-der shamasynda boldy. Sportshy kóliginiń aınasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denıs Tenniń oń jaq sanynyń joǵarǵy tusynan pyshaq saldy. 25 jastaǵy Ten úsh lıtr qan joǵaltyp, aýrýhanaǵa óte aýyr jaǵdaıda jetkizildi.
2,5 saǵatqa jalǵasqan reanımatsııalyq sharalarǵa qaramastan, aýrýhana dárigerleri Tenniń ómirine arasha túse almady. Saǵat 17.30-da Olımpıada júldegeri qaıtys boldy.
17 qańtarda sportshynyń ólimine aıypty tulǵalar sottaldy. Qudaıbergenov pen Qııasov 18 jyldan arqalasa, Tolybaeva 4 jylǵa sottaldy.
