Denıs Ten Tórt qurlyq chempıonatynda óner kórsetedi
ASTANA. QazAqparat - Erteń qytaılyq Taıbeıde Tórt qurlyq chempıonatynyń ashylýy ótedi. Onda ótken jylǵy osy týrnırdiń jeńimpazy, Sochıdegi Olımpıada oıyndarynyń qola júldegeri Denıs Ten qatysady. budan basqa Qazaqstannan basqa da mánerlep syrǵanaýshylar bar, olar - 24 jastaǵy Daryn Júnisov jáne 18 jastaǵy Anastasııa Hromova.
Jarys qysqa baǵdarlamada 18 aqpanda, Astana ýaqyty boıynsha saǵat 10.45-te ótedi. Ashylýy saǵat 13.40-ta. Erkin baǵdarlama 19 aqpanda saǵat 11.30-ǵa josparlanǵan.
«Nastıamen bir jarym jyldaı birge syrǵanap júrmiz. Ol alǵash ret tórt qurlyq chempıonatyna qatysyp jatyr. Men úshinshi ret bul dodada baq synamaqpyn. Bul biz úshin maýsymdaǵy mańyzdy jarys. Sondyqtan ózimizdi joǵary deńgeıde kórsetip, jaqsy nátıjege jetkimiz keledi», - dedi Júnisov.
Denıs Ten 19 aqpanda saǵat 15.55-te qysqa baǵdarlamada, 21 aqpanda saǵat 10.00-de - erkin baǵdarlamada óner kórsetedi. Jarysty «Kazsport» telearnasy tikeleı efırde kórsetedi.
