Denıs Ten tanymal All That Sports kompanııasymen áriptestik ornatty
ASTANA. QazAqparat - Qazaqstandyq mánerlep syrǵanaýshy Denıs Ten sporttyq menedjmentpen aınalysatyn álemniń eń tanymal kompanııasy All That Sports-pen áriptestik ornatqandyǵyn resmı túrde jarııalady. Bul týraly ol óziniń Instagram-daǵy paraqshasynda habarlady.
"Men All That Sports Co. LTD kompanııasymen áriptestik ornatqanymdy resmı túrde habarlaýǵa qýanyshtymyn. Kóp jyldar boıy men qandaı kompanııamen áriptestik ornatýymdy bilmeı dal bolyp júr edim. All That Sports kompanııasyna qýana qosylyp otyrmyn. Bul kompanııany mánerlep syrǵanaýshy Kım ıÝ Na men onyń anasy - Park hanym qurǵan. Jemisti áriptestik bolatynyna senemin», - deıdi sportshy.
Eske sala keteıik, bul qazaqstandyq jáne ońtústik koreıalyq mánerler syrǵanaýshylardyń alǵashqy áriptestigi emes. Bıyl mamyr aıynda D.Ten Ońtústik Koreıada Kım ıÝ Nanyń mansabynyń aıaqtalýyna arnalǵan aýqymdy shoýǵa qatysqan bolatyn.
