Denıs Ten Skate America Gran-Prı jarysynda 5-orynǵa ıe boldy
ASTANA. 24 qazan. QazAqparat - AQSh-tyń Ontarıo qalasynda erler arasynda jekeleı mánerlep syrǵanaýdan ótken Skate America Gran-Prı jarysynda qazaqstandyq sporshy Denıs Ten 5-orynǵa ıe boldy,
dep habarlaıdy ISU Halyqaralyq konkıshiler qaýymdastyǵynyń resmı saıty.
197,98 upaıǵa ıe bola otyryp, 18 jasar qazaqstandyq sportshy Japonııa, Frantsııa jáne Italııa elderinen kelgen beldi sportshylardy artta qaldyrdy. Gran-Prıdiń bas júldesi erler arasynda polshalyq sportshy Mıhaıl Brezınege buıyrdy. Ekinshi oryndy belgııalyq mánerlep syrǵanaýshy Kevın van der Perren, qola medaldy japonııalyq Takahıko Kozýka jeńip aldy.
Áıelder arasynda AQSh-tyń maqtanyshy Alısa Chıznı úzdik atandy. Ekinshi nátıjege ıtalııalyq Karolına Kostner qol jetkizse, úzdik úshtikti shved qyzy Vıktorııa Helgesson túıindedi.
Juptasyp syrǵanaýda Álem chempıondary Germanııadan kelgen Alena Savchenko men Robın Sholkovy dýeti birinshi orynǵa laıyq dep tanyldy. Ekinshi orynǵa Chjan Dan men Chjan Hao juby jaıǵasty. Al úshinshi nátıjege kanadalyqtar Kırsten Mýr-Toýers pen Dılan Moskovıch qol jetkizdi.
Muz ústindegi bıden Álem chempıondary Merıl Devıs pen Charlı Ýaıt juby úzdik atansa, olardan ájeptáýir qalyp qoıǵan Natalı Peshala men Faben Býrza juby ekinshi, lıtva juby Izabella Tobıas pen Deıvıdas Stagnıýnas úshinshi orynǵa ıe boldy.
