Denıs Ten óziniń muz aıdynyndaǵy shoýy úshin eriktilerdi jınap jatyr
ASTANA. QazAqparat - Sochıdegi Olımpıadanyń qola júldegeri mánerlep syrǵanaýshy Denıs Ten óziniń «Olımpıada energııasy» shoýy úshin eriktilerdi izdeýde, dep habarlady Vesti.kz.
Bul týraly sportshy óziniń áleýmettik paraqshalarynda: «Shoý kezinde juldyzdarmen jumys boıynsha eriktilerdi alyp jatyrmyz. Fluent English pen kóterińki kóńil-kúı mindetti! Jumys tájirıbesi bolsa jaqsy. Ózderińiz jaıly málimetterdi info@denisten.kz meken-jaıyna jiberip, hatta «stuff» taqyrybyn kórsetý kerek», - dep jazǵan.
Eske sala keteıik, mánerlep syrǵanaýshynyń «Denıs jáne onyń dostary. Olımpıada energııasy» şoýyna mánerlep syrǵanaýdan álemdik juldyzdar qatysady. Olar olımpıada chempıondary Makısm Trankov, Tatıana Volosojar men Evan Laısachek, álemniń birneshe dúrkin chempıondary Mao Asada, Daısýke Takahashı, Karolına Kostner. Tanymal mánerlep syrǵanaýshylar Brıan Jýber, Stefan Lambel, Djoanı Roshett pen basqa da sportshylar.
Shoý Almatyda 29, 30 mamyr kúnderi, Astanada 1 maýsym kúni ótedi. Bıletterdi Balýan Sholaq atyndaǵy Sport saraıy men «Meloman» jelisiniń dúkenderinen alýǵa bolady. Odan jınalǵan qarjynyń bári Qazaqstandaǵy balalar mánerlep syrǵanaýyn damytýǵa jumsalady.
