Denıs Ten óziniń áýestikteri týraly aıtty (FOTO)
ASTANA. QazAqparat - Qazaqstandyq mánerlep syrǵanaýshy, Olımpıadanyń qola júldegeri Denıs Ten óziniń sporttyq jetistikterimen ǵana emes, shyǵarmashylyq áýestikterimen de tanymal. Sportshy kópten beri fotosýretke túsirýmen aınalysyp júr, al jaqynda qysqa mezettik beınerolıkter túsirýde de ózin synap baıqaýda.
«Men osy kezge deıin fotosýretke nege áýes bolǵanymdy ózim de túsinbeımin. Nege - mysalǵa. mýzykamen. Munyń bári shyǵarmaylyq áýestik, bos ýaqytty qur ótkizbeý. Biraq ta ýaqyt óte tapshy, ıdeıa kóp. Erte me, kesh pe, áıteýir «ıdeıalar bógetin» jaryp ótýge týra keledi... bul kezde maǵan dostarym kómekkǵe keledi», dep jazdy Denıs Ten óziniń áýestikteri jaıynda.
Aıtpaqshy, óziniń fotojumystaryn mánerlep syrǵanaýshy Instagramdaǵy @d10world arnaıy paraqshasyna jarııalaǵan. Denıstiń áýesqoılyǵyn 5 myńnan astam follover baqylaýda. Onyń akkaýntinde 200-den asa sýretter men beınerolıkter bar, onda ártúrli álemdik shoýlarda Denıspen birge óner kórsetken tanymal mánerlep syrǵanaýshylar da kózge túsip qalady. 
