Denıs Ten Olımpıada oıyndaryna qatysý úshin Koreıaǵa ushyp bardy

ASTANA. QazAqparat - Sochıdegi Olımpıada oıyndarynyń qola júldegeri, qazaqstandyq mánerlep syrǵanaýshy Denıs Ten Olımpıada oıyndaryna qatysý úshin búgin tańerteń Inchhon áýejaıyna ushyp bardy, dep habarlaıdy QazAqparat tilshisi Qazaqstan Ulttyq olımpıada komıtetiniń baspasóz qyzmetine silteme jasap. 

«Búgin tańerteń Inchhon halyqaralyq áýejaıyna bizdiń Denıs Ten ushyp keldi. Olımpıada aýylyna qazaqstandyq mánerlep syrǵanaýshy 11 aqpan kúni barady», - dep túsindirdi baspasóz qyzmetinen.

Eske sala ketsek, 2016 jyldyń 1 sáýirinde Denıs Ten Fınlıandııa eliniń astanasy Helsınkıde ótken álem chempıonatynda 16-oryn alyp, 2018 jylǵy qysqy Olımpıada oıyndaryna joldama aldy.

10 tamyz kúni Koreıadaǵy «Ice Festa» shoýy qarsańynda jaraqat alyp qalǵan bolatyn.

Koreıanyń Phenchan qalasyndaǵy Olımpıada oıyndary aqpannyń 9-25 aralyǵynda ótedi. Onda sporttyń 15 túri boıynsha 102 medal jıyntyǵy sarapqa salynady. Qazaqstandyqtar sporttyń 9 túri boıynsha baq synaıdy.

Olımpıadanyń ashylý saltanatynda el týyn short-trekshi Abzal Ájǵálıev ustap shyǵady.