Denıs Ten neıroleıkozǵa shaldyqqan alty jastaǵy Nursattyń hal-jaǵdaıyn bildi
ASTANA. QazAqparat - Sochıdegi qysqy Olımpıada oıyndarynyń qola júldegeri, qazaqstandyq mánerlep syrǵanaýshy Denıs Ten Astanadaǵy Ana men bala ulttyq ǵylymı ortalyǵynda em qabyldap jatqan alty jasar Nursat Jaqypbardyń hal-jaǵdaıyn bilýge bardy.
Atap aıtqanda, Nursatqa qoldaý kórsetý úshin Denıs Almatydan arnaıy ushyp keldi. Ol osy sapary barysynda balaǵa syılyqtar ala kelip, onymen áńgime-dúken qurdy. Nursat kishkentaı jasyna qaramastan erte eseıgen bala. Qatarlastarynyń arasynda alǵyrlyǵymen, parasattylyǵymen jáne talantymen tanylǵan ol D. Tenge óziniń dıplomdaryn kórsetti.
Aldaǵy ýaqytta Nursatqa aýyr ota jasalady. Dárigerler onyń mıynan isik tapty. ıAǵnı ol leıkoz dertiniń saldarynan paıda bolǵan indet. Onyń anasy Gúlden Tájidenova QazAqparat tilshisine bergen suhbatynda bala eki jasta bolǵanda leıkoz aýrýy anyqtalǵanyn aıtty. Keıin, operatsııalar jasalyp, balanyń jilik maıy aýystyryldy. Donor retinde Nursattyń aǵasy irikteldi.
Operatsııa sátti ótip, jilik maıy balanyń saýyǵýyna oń áser etti. Alaıda, jarty jyldan keıin onyń mıynda isik (neıroleıkoz) anyqtaldy. Jetkinshekke qajet operatsııalar Qazaqstanda jaqynda ǵana engizile bastady. Ýaqyttyń shekteýli bolýyna baılanysty, balaǵa kerek em-domdy shetelde jasaý qajettilik etýde.
«Operatsııadan keıin Nursattyń baqytty balalyq shaǵyn ótkizýine múmkindik bolady dep senemin. Onyń saýyǵyp ketýine barynsha tilektespin jáne aldaǵy ýaqytta Nursatpen birge ýaqytymdy qýana-qýana ótkizemin»,-dedi D. Ten.
Nursattyń anasy Tájidenova Gúlden Keńesqyzymen baılanysý málimetterin usynamyz.
Telefon: +7 707 105 60 89
Qazaqstannyń Halyq bankindegi esep-shot: 196010002001190397
Karta nómiri: 4402573563801796
JSN 790207402477
