Denıs Ten: Men úshin sport pen oqý úılesimdi uǵym

ASTANA. QazAqparat - Iá, tarıh qoınaýyna syrǵyp bara jatqan Sochı Olımpıadasynda sportshylarymyzdyń kórsetken óneri alǵashqy kúnderden-aq kóńilimizge qaıaý túsirgeni este. Biraq, muz aıdynynda teńdessiz, ıaǵnı sol baıraqty básekede Olımpıadanyń altynyn taqqan sportshylardan da úzdik óner kórsetken mánerlep syrǵanaýshy Denıs Tenniń qola medali eńsemizdi bir kótergen edi. Al búginde elimizdegi eń tanymal sportshylardyń birine aınalǵan D.Tenniń árbir qadamy 1 jylǵa aldyn ala kestede túzilgen. Degenmen áıgili sportshy ýaqyt taýyp, QazAqparat tilshisine bergen suhbatynda óziniń bolashaq josparlary jaıynda tarqata aıtyp berdi.

- Denıs taǵy joǵary bilim almaq nıetiń bar ekenin estip jatyrmyz. Tańdaýyń qaı joǵary oqý ornyna ári qandaı mamandyqqa túsip otyr?

- Máskeýde jattyǵyp júrgenimde Ekonomıkalyq qaýipsizdiktiń áleýmettik-quqyqtyq kolledjinde bilim alǵan edim. Al osy jyly Qazaq sport jáne týrızm akdemııasyn qyzyl dıplommen aıaqtadym. Men oqýymdy osy akademııanyń magıstri retinde jalǵastyryp, Qazaqstan-Brıtan tehnıkalyq ýnıversıtetinde bilim alýdy josparlap otyrmyn. Men QBTÝ-da Hollywood Film Academy-men birlesip, «aqparattyq júıe» mamandyǵy boıynsha bilim almaqpyn. Ár kezde de bilim alýǵa tyńǵylyqty daıyndyqpen baramyn jáne bul joǵary oqý ornyna túsý meniń uzaq jylǵy maqsatym bolatyn. Onyń júzege asqanyna óte qýanyshtymyn jáne men úshin qyzmettiń múldem jańa salasynda bilim alýǵa yntam artyp otyr.

- Mamandyq tańdaý bolashaq josparlaryńmen baılanysty ma? Al sport she, aldaǵy ýaqytta ol sen úshin negizgi baǵdar bola ma?

- Árıne, sport men úshin basty baǵdar bolyp qala beretindigi sózsiz. Óıtkeni, men aldymen sportshymyn. Aldaǵy tórt jyl boıy sport meniń basty basymdyǵym bolady. Menińshe, sport pen oqý - úılesimdi uǵym. Adamdar bulaı emes dep oılasa, adasqany. Máselen, Stenfordta, Garvardta, Mıchıgan ýnıversıtetinde nemese UCLA-da bilim alatyn amerıkandyq mánerlep syrǵanaýshylar oqý men jattyǵýdy úılestirip qana qoımaı joǵary nátıjelerge de qol jetkizip otyr. Munyń jarqyn dáleli bıden qazirgi olımpıada chempıondary bola alady.

Bilesiz be, bizdiń álemde barlyǵy da ózara baılanysty. ıAǵnı, sóz aqyl, rýhanı jáne sporttyq damý turǵysynda qozǵalyp otyr. Taıaýda, árbir mánerlep syrǵanýshynyń jyldar ótken saıyn óziniń syrǵanaý máneri qalyptasatyndyǵyna nazar aýdardym jáne osy máner arqyly sportshynyń dúnıetanymyn, oı-pikirin anyq baıqaýǵa bolady. Osy turǵydan alyp qaraǵanda, men muz aıdynyndaǵy «bilimdi» sportshy bolýǵa bar jan-tánimmen umtylyp kelemin. ıAǵnı, mánerlep syrǵanaý barysynda ózimniń «joǵary mádenıetimdi» pash etkim keledi. Bul baǵytta kóp eńbektený ústindemin de. Taıaý 2 jyldyń ishinde alǵan bilimim sportta zor jetistikterge jeteleıtindigine senimdimin. Degenmen, is júzinde men keleshekke kóz salatyn, 10 jyl alǵa qaraıtyn adammyn.

- Mánerlep syrǵanaýmen baılanysty aldaǵy ýaqytqa josparyń qandaı?

- Iá, men belgili bir strategııa ázirlep qoıdym jáne aldaǵy 4 jyl boıy sol baǵdarymnan taımaımyn. Mánerlep syrǵanaýǵa daıyndalýdyń shegi joq, biz únemi jańa týrnırlerge daıyndalamyz. Bir baıraqty báseke bitse, oıyń kelesi jarys daıyndyǵyna aýyp ketedi. Al Olımpıada múldem bólek áńgime. 4 jyldyń qas-qaǵym sátte zymyrap óte shyǵatynyna senimdimin.

- Ýaqytyńnyń kóp bóligin qaı qalada ótkizesiń?

- Almatyda. Men turǵylyqty almatylyqpyn. Qazaqstannyń ońtústik astanasynda dúnıege kelip, sonda óstim. Sońǵy ýaqytta álemdegi eń sulý qalalardyń biri Astanaǵa jıi saparlaıtyn boldym. Aıtpaqshy, «Astana» prezıdenttik klýbynyń ókili retinde álemdik arenada óner kórsetetinime jáne sporttyq jetistikterim arqyly jankúıerlerimdi Otanymmen ǵana emes, respýblıkamyzdyń elordasymen de jaqyn tanystyra túsetindigime qýanyshtymyn.

- Qazirgi ýaqytta qandaı jobamen aınalysýdasyń?

- Taıaý aralyqta jańa maýsymǵa daıyndyqty bastamaq oıym bar. Bul jyl men úshin úsh oqıǵamen, atap aıtqanda, Olımpıada oıyndaryndaǵy tarıhı tabysymmen, taıaýda ótken muzdaǵy shoýmen jáne Qazaqstandaǵy mánerlep syrǵanaýdy damytý maqsatynda uıymdastyrylǵan semınarmen este qalady. Sońǵy eki jobamen jyldyń dál osy maýsymynda ǵana aınalysýǵa múmkindigim bar. Óıtkeni bul maýsymaralyq kezeńde eshqandaı jarystar bolmaıdy. Bul meniń eńbek demalysymnyń ornyna jasalǵan shara desek te bolady. Biraq men demalysymyzdy osyndaı paıdaly dúnıemen ótkizgenime baqyttymyn. Muz aıdynyndaǵy shoýǵa mánerlep syrǵanaýdan álemniń sýperjuldyzdarymen qatar shetelden 300-den astam kórermen keldi. Dál osy fakti úshin qýanyshymda shek joq ári asyra silteýsiz-aq ony bizdiń elimiz úshin zor oqıǵa dep bilemin. Shoý aıaqtalǵannan keıin jas mánerlep syrǵanaýshylarǵa, jáne olardyń jattyqtyrýshylaryna 5 kúndik semınar uıymdastyryldy. Jobaǵa meniń bala kezden boı túzep úlgi tutqan tulǵa - Alekseı ıAgýdın men Braıan Jýber qatysty. Olar sheberlik synyptary barysynda balalardy mánerlep syrǵanaýdyń bazalyq tehnıkalaryna úıretti. Іlgerileý semınardyń ekinshi kúninde-aq anyq baıqaldy. Qysta taǵy bir shara uıymdastyrýdy josparlap otyrmyn. Sol kezde balalardyń mánerlep syrǵanaý mashyqtarynyń jaqsara túskenine kýá bolamyn degen úmitim bar.

- Suhbatyńa rahmet! Sportta tabystar tileımiz!