Denıs Ten: «Men káris ultynan shyqqan qazaqpyn!»
ASTANA. QazAqparat - Qazaqstandyq mánerlep syrǵanaýshy Denıs Ten Bostonda ótken álem chempıonatynan keıin qoldaý bildirgen barsha jankúıerlerine alǵysyn bildirdi. Sondaı-aq, káris mánerlep syrǵanaýshysy ıÝdzýrý Hanıý arasyndaǵy keleńsizdikke baılanysty pikirin aıtty.
- Meniń jeke elektrondy poshtama kelip jatqan jeke basqa tıisetin hattar tolastar emes. Biri - ultaralyq dúrdarazdyqty qozǵaýdy maqsat tutsa, biri - meni aıyptap otyr. Shyn máninde ne bolǵanyn olardyń ózderinen suraǵym keledi.
Biraq, aıtpaı ketken taǵy bolmas. AFP, Japan Today, Nikkan Sports, NBCSports, Xinhua, Kyodo News, Daily Mail jáne taǵy basqa halyqaralyq basylymdar jattyǵý kezindegi jaǵdaıdy birjaqty qarap, ýshyqtyrdy. Meniń osy aqparattarmen jáne jaraqatpen kúresip júrgende álem chempıonaty da aıaqtalyp qaldy.
Qııaldan qurastyrylǵan shýly taqyrypty talqylaǵym kelmeıdi. Men tárbıeli otbasynda óstim. Mundaı máselelerdi betpe-bet sheshýge daǵdylanǵanmyn. Bul shý meniń júregime qadaldy.
Iá, men koreı ultynan shyqqan qazaqpyn. Sondyqtan maǵan aıtylyp jatqan «Korea-Phobia» (koreıfobııa) sııaqty namysqa tıetin sózder meni qorqyta almaıdy. Men búkil taǵylǵan aıypqa tek «joq» dep jaýap beremin.
«Men qoldaý bildirgen barsha jankúıerlerge alǵysymdy bildiremin. Jaraqatpen óner kórsetý qıyn boldy. Jankúıerlerdiń úmitin aqtamaý odan da qıynǵa soqty», - dedi Denıs Ten.
Aıta keteıik, Sochı olımpıadasynyń chempıony ıÝdzýrý Hanıý Bostondaǵy álem chempıonatyna daıyndyq kezinde Denıs Ten ony ádeıi soǵyp ketti dep aıyptaǵan bolatyn. Al Japonııa taraby ISU-dan Tendi jazalaýdy talap etken edi, dep jazady massaget.kz.
