Denıs Ten men Alekseı ıAgýdın Almatyda sheberlik sabaǵyn ótkizbek
ALMATY. QazAqparat - Mánerlep syrǵanaýdyń has sheberleri, Olımpıada oıyndarynyń, halyqaralyq chempıonattardyń jeńimpazdary men júldegerleri Denıs Ten jáne Alekseı ıAgýdın Almatyda jas sportshylarǵa arnap sheberlik sabaqtaryn ótkizedi, dep habarlaıdy QazAqparat tilshisi Almaty qalasynyń Dene shynyqtyrý jáne sport basqarmasynyń baspasóz qyzmetine silteme jasaı otyryp.
Sportshylar mamyrdyń 17-i men 19-y kúnderi «Almaty Arena» muz saraıynda tájirıbıelerimen bólisedi.
«17 mamyr Denıs Tenniń sheberlik sabaǵy jáne jankúıerlermen kezdesýi ótse, 18 mamyr kúni Alekseı ıAgýdınniń sheberlik sabaǵy bolady. 19 mamyrda Denıs Ten jáne Alekseı ıAgýdınniń birlesken sheberlik sabaǵy ótip, jas sportshylar óner kórsetedi», - delingen habarlamada.
Sporttyq sharaǵa Qazaqstannyń túkpir-túkpirinen úzdik 20-ǵa jýyq sportshy qatysady. Buǵan deıin, Denıs Ten Almatyda jas syrǵanaýshylarǵa birneshe sheberlik sabaǵyn ótkizip, mánerlep syrǵanaýdyń qyr-syryn jan-jaqty úıretken bolatyn.
Aıta keter jaıt, Denıs Ten Almatyda ótken Búkilálemdik qysqy Ýnıversıadanyń jeńimpazy. Qazir sportshy Máskeý qalasynda turady jáne sonda jattyǵady.
Denıs ıÝrevıch Ten - qazaqstandyq mánerlep syrǵanaýshy. 2014 jyly mánerlep syrǵanaýdan Sochı Olımpıadasynyń qola júldegeri. Ol mánerlep syrǵanaýdan 2013 jylǵy álem chempıonatynyń kúmis medal júldegeri, VІІ qysqy Azııa oıyndarynyń jeńimpazy, Qazaqstannyń úsh dúrkin chempıony. QR Halyqaralyq dárejedegi sport sheberi.
Alekseı Konstantınovıch ıAgýdın reseılik mánerlep syrǵanaýshy, Reseıdiń eńbek sińirgen sport sheberi. 2002 jyldyń Olımpıada chempıony, tórt dúrkin álem chempıony (1998, 1999, 2000 ı 2002 jj.), úsh dúrkin Eýropa chempıony (1998, 1999, 2002 jj.), eki márte mánerlep syrǵanaýdan Gran-prı fınaldarynyń jeńimpazy, kásipqoılar arasynda eki dúrkin álem chempıony jáne jasóspirimder arasynda álem chempıony. Ol AQSh-tyń «Kolorado-Sprıngs-tegi» mánerlep syrǵanaýshylardyń dańq zalyna engizilgen.
