Denıs Ten mánerlep syrǵanaýdan álem chempıonatynyń kúmis júldegeri boldy
ASTANA. 16 naýryz. QazAqparat - Qazaqstandyq Denıs Ten Kanadada mánerlep syrǵanaýdan ótken álem chempıonatynda kúmis medal ıelendi.
Vesti.kz saıtynyń habarlaýynsha, 19 jastaǵy D.Ten erkin baǵdarlamanyń nátıjesinde 174,92 upaı jınap, birinshi oryn aldy. Al qysqa jáne erkin baǵdarlamalardyń jıyntyq upaıy - 266,48 bolyp, nátıjesinde «kúmiske» ıe boldy.
Tenniń aldyn oraǵan álemniń úsh dúrkin chempıony kanadalyq Patrık Chan boldy, jıyntyq upaıy - 267,78. Úshinshi nátıjeni ıspandyq mánerlep syrǵanaýshy Haver Fernandes kórsetti - 249,06 upaı.
Taǵy bir qazaqstandyq sportshy Abzal Raqymǵalıev qysqa baǵdarlamada 59,14 ball jınap, 28-inshi oryndy mise tutty. Bul oǵan jarysty jalǵastyrýǵa múmkindik bermedi.
Aıta keteıik, 2012 jyly ótken álem chempıonatynda D.Ten jetinshi boldy. Al 2013 jyldyń aqpanynda ótken Tórt qurlyqtyń chempıonatynda tek 12-inshi nátıjeni kórsete aldy.
