Denıs Ten Lıýksembýrgtaǵy jarysta ekinshi oryn aldy
ASTANA. QazAqparat - Sochıdegi Olımpıada oıyndarynyń qola júldegeri Denıs Ten Lıýksembýrg qalasynda ótken «Coupe du Printemps» jarysynda ekinshi oryn aldy.
Jarystyń birinshi kúnindegi qysqa baǵdarlamada qazaqstandyq mánerlep syrǵanaýshy 86,95 upaı jınap, úzdik atandy. Erkin baǵdarlama qorytyndylary boıynsha Denıs Ten 133,09 upaımen tórtinshi orynda boldy.
Jarystyń jalpy kestesinde qazaqstandyq sportshy 220,04 upaımen ekinshi oryn aldy. Jarystyń bas júldesin Belgııa sportshysy Iorık Hendrıks ıelense, úshinshi orynǵa japondyq Takahıto Mýra laıyqty dep tanyldy.
Qazaqstandyq sportshynyń alǵan jaraqatynan keıin qalpyna kelmegendikten bul jarysqa daıyn bolmaǵanyn atap ótý kerek. Alaıda jarysqa qatysý sheshimin qabyldaýǵa erkin baǵdarlamanyń aýysýy sebep bolǵan. Denıs úshin 28 naýryz ben 3 sáýir aralyǵynda Bostonda ótetin álem chempıonatynyń aldynda jańa baǵdarlamany oryndaý qajet boldy.
Buǵan deıin Denıs Ten tórt qurlyq chempıonatyna jaraqaty saldarynan qatysqan joq.
