Denıs Ten qurlyq jáne álem chempıonatyna qatyspaq
ASTANA. QazAqparat - Sochı olımpıadasynyń qola júldegeri Denıs Ten alda qatysatyn jarystaryn jarııalady, dep jazady Alaman portaly.
Astanada ótken jankúıerlermen kezdesýde Denıs Ten aqpanda Taıpeıde ótetin «Tórt qurlyq chempıonatyna» baratynyn málimdedi. Ol sondaı-aq naýryzda AQSh-tyń Boston qalasyndaǵy álem chempıonatyna qatysady.
« Aqpandaǵy «Tórt qurlyq chempıonatyna» deıin Eýropada ótetin kommertsııalyq jarystarǵa qatysý oıda bar. Negizgi basty jarys Bostondaǵy álem chempıonaty bolmaq», - dedi Ten.
Denıs Ten byltyr Seýlde (Ońtústik Koreıa) ótken «Tórt qurlyq chempıonatynda» altyn medal alǵan. Al Shanhaıdaǵy álem chempıonatynda úshinshi oryndy ıelengen edi.
Taǵy bir qazaqstandyq mánerlep syrǵanaýshy Elızabet Tursynbaeva aqpanda Lıllehamerde (Norvegııa) ótetin jasóspirimder olımpıadasyna barady.
