Denıs Ten Qazaqstannyń 2022 jylǵy qysqy Olımpıada oıyndaryna baılanysty is-sharalaryna qatysady
ASTANA. QazAqparat - Belgili qazaqstandyq mánerlep syrǵanaýshy Denıs Ten Qazaqstannyń 2022 jylǵy qysqy Olımpıada oıyndaryn ótkizýge degen ótinimin alǵa jyljytý sharalaryna qatysady.
Bul týraly ol óziniń Instagram-daǵy paraqshasynda jazdy.
Paraqshada ol óziniń AQSh-tyń Kalıfornııa shtatyndaǵy Los-Anjeles qalasynda jarnama-suhbat kezindegi sýretin salyp, astyna pikirin jazǵan.
«Men munda «elshilerdiń» biri ekenime óte qýanyshtymyn jáne mıllıondaǵan qazaqstandyqtardyń armany oryndalady dep úmittenemin» - deıdi ol.
Aıta keteıik, 2022 jylǵy qysqy Olımpıadany ótkizýge tek eki qala ǵana - Almaty men Beıjiń úmitker retinde qatysýda. Bıylǵy maýsym aıynda osy ekeýiniń qaısysy 2022 jylǵy Olımpıada astanasy atanatyny belgili bolady.
