Denıs Ten, Qaıym Muhamedhanov: Almatyda 156 kóshege jańa ataý beriledi

ALMATY. KAZINFORM – Almaty máslıhatynyń Qoǵamdyq damý, mádenıet, sport, din jáne jastar jónindegi komıssııanyń otyrysynda qala kóshelerine ataý berý máselesi qaraldy.

Otyrysqa Almaty qalasy máslıhatynyń tóraǵasy Meıirjan Otynshıev jáne ózge máslıhat depýtattary, sondaı-aq Almaty qalasy ákimi apparatynyń tilderdi damytý jáne onomastıka bóliminiń basshysy Baqyt Qalymbet qatysqan.

Jarııalanǵan otyrys hattamasyna sáıkes, Almatyda 156 kóshege jańadan ataý berý josparlanǵan.

Atap aıtqanda, Alataý aýdany boıynsha 10 kóshege, Áýezov aýdany boıynsha 4 kóshege, Bostandyq aýdany boıynsha 45 kóshege, Jetisý aýdany boıynsha 4 kóshege, Medeý aýdany boıynsha 7 kóshege, Naýryzbaı aýdany boıynsha 86 kóshege jańa ataý berý qarastyrylǵan.

Bostandyq aýdanynyń «Arhat» shaǵyn aýdanyndaǵy 7-kóshesine Olımpıadanyń qola júldegeri Denıs Tenniń, Alataý aýdanynda ǵalym, abaıtanýshy Qaıym Muhamedhanov jáne vetnamdyq qoǵam qaıratkeri Ho Shı Mın esimderin, Jetisý aýdanynda Uly Otan soǵysynyń ardageri Sháńgereı Jánibekovtiń jáne ózge de tarıhı tulǵalardyń atyn berý josparlanǵan.

Kazinform saýalyna jaýap bergen Almaty qalasy ákimi apparatynyń tilderdi damytý jáne onomastıka bóliminiń málimetinshe, kóshe ataýlaryn ózgertý máselesi aldaǵy ýaqytta Respýblıkalyq onomastıka komıssııasyna qaralady.

Eske salaıyq, byltyr Almatyda Gagarın dańǵylynyń bir bóligine Ermek Serkebaevtyń, Túrksib aýdandaryndaǵy ataýsyz kóshelerge Eskendir Hasanǵalıev pen ıÝrıı Pomerantsevtiń jáne Áýezov aýdanyndaǵy ıÝbıleınaıa kóshesine Vladımır Tolokonnıkovtyń esimi berildi.