Denıs Ten Italııadaǵy halyqaralyq týrnırde birinshi orynǵa ıe boldy
ASTANA. 20 qarasha. QazAqparat - Italııada «Merano Cup» halyqaralyq týrnıri aqtaldy. Onda qazaqstandyq mánerlep syrǵanaýshy Denıs Ten 1-oryndy ıelendi.
231.12 upaı jınaǵan Denıs Qytaıda Gran-prı kezeńiniń nátıjesin 7 upaıǵa kóbeıtti. Ekinshi orynnan Japonııanyń ókili, Búkilálemdik Ýnıversıtet Oıyndarynyń qola júldegeri Daısýke Mýrakamı kórindi. Úshinshi oryn ıtalıandyq Paolo Bachchınıge buıyrdy. Bul jeńis Denıske Halyqaralyq mánerlep syrǵanaýshylar odaǵynyń reıtıngisi boıynsha 250 upaı ákeldi. Qazirgi ýaqytta qazaqstandyq ISU reıtıngisinde besinshi orynǵa ıe boldy.
«Merano Cup» týrnıri dástúrli túrde Italııanyń Merano qalasynda 1997 jyldan beri ótkizilip keledi. Qazir sportshy Avstrııada 20-23 qarasha aralyǵynda ótetin «IceChallenge» týrnırine daıyndalyp jatyr.
Denıs Ten - mánerlep syrǵanaýdan álem chempıonatynyń medalin jeńip alǵan birinshi qazaqstandyq sportshy. 2013 jyly Kanadanyń álem chempıonatynyń qorytyndysy boıynsha ekinshi orynǵa ıe boldy. Sonymen birge, ol 7-shi qysqy Azııa oıyndarynyń chempıony jáne eńbegi sińgen sport sheberi ataǵynyń ıegeri.
