Denıs Ten ıtalıandyq sportshyǵa arasha tústi
ASTANA. QazAqparat - Sochı Olımpıadasynyń qola júldegeri Denıs Ten Eýropanyń bes dúrkin chempıony, ıtalıandyq mánerlep syrǵanaýshy Karolına Kostnerdi qoldaýǵa shaqyrdy.
Sochı Olımpıadasynda qola medal enshilegen Karolına Kostner dopıngtik iske qatysy bar dep aıyptalýda. Jergilikti BAQ-tyń habarlaýynsha, mánerlep syrǵanaýshynyń burynǵy jigiti sporttyq júris boıynsha 2008 jylǵy Olımpıada chempıony Aleks Shvatser 2013 jyly 23 sáýirde dopıng qoldanǵany úshin úlken sporttan 3,5 jylǵa shettetilgen edi. Protsess barysynda ol Karolına Kostner oǵan dopıngtik ofıtserlerdi aldap, birneshe sporttyq jarysta dopıng qadaǵalaýdan múdirmeı ótýge kómektesti dep málim etti.
"Oryn alǵan jaǵdaıdyń barlyq sebepterine kóz jetkize almasymyz anyq. Biraq... álem chempıonattaryndaǵy 6 medal, álem chempıony tıtýly, 5 eýropalyq júlde jáne Olımpıada qolasy, 23 jyl boıy ótkizgen aýyr jattyǵýlardy sarp etip, aýyzsha aıyp úshin 4,5 jyl úlken sporttan shettetý qynjyltady. Oqıǵaǵa kináli adamnyń jaýapkershiliginen de kóp!", - dep jazady D.Ten Instagram-daǵy paraqshasynda.
Qazaqstandyq sportshy óz jankúıerlerin Karolınany qoldap, onlaın-petıtsııaǵa qol qoıýǵa shaqyrdy. Bul onyń oıynsha, álemdik juldyzǵa belgilenetin jazany jumsartýy múmkin.
"Sizderdiń bir mınýttaryńyz mańyzdy ról atqarmaq, eń bastysy - qymbatty Karolınaǵa qoldaý bolady. Múmkin bul onyń mansabyn birtalaı ulǵaıtýy yqtımal", - deıdi D.Ten.
