Denıs Ten HOK prezıdentimen kezdesti
ASTANA. QazAqparat - Sochıdegi Olımpıada oıyndarynyń qola júldegeri Denıs Ten Halyqaralyq olımpıada komıtetiniń prezıdenti Tomas Bahpen kezdesti, dep habarlady «QazAqparat» HAA tilshisi.
Kezdesý Helsınkıdegi álem chempıonatynan keıin dostyq shyraıda ótti. Eske sala keteıik, sońǵy álem birinshiliginde qazaqstandyq mánerlep syrǵanaýshy 16-orynǵa ıe bolyp, 2018 jylǵy Olımpıada oıyndaryna joldama utyp aldy.
«Sport jaıly áńgimelestik. Kezekti Olımpıada astanasyn tańdaý kezinde «Almaty-2022» tanystyrylymy laıyqty bolǵanyn eske aldyq. Qazaqstanǵa degen ystyq yqylasy jáne Olımpıada komıtetteriniń tereń maǵynaly yntymaqtastyq evolıýtsııasynda jańa beleske jetkizgeni úshin Prezıdent myrzaǵa alǵys bildirdim. Tomas Bah Olımpıadalyq qozǵalysty qalyptastyrýda tarıhı úles qosyp úlgergenimdi aıtty. Alaıda osy orynda toqtap qalmaımyn. Alda aýqymdy jumystar kútip tur», - dep jazdy sportshy Instagramdaǵy paraqshasyna.
Eske salsaq, Almaty 2022 jylǵy qysqy Olımpıada oıyndaryn ótkizý úshin talasqa túsip, Beıjińge jol bergen bolatyn.
