Denıs Ten ǵalamtorda óz jankúıerleriniń qyzyqty suraqtaryna jaýap beredi
ASTANA. QazAqparat - Qazaqstandyq mánerlep syrǵanaýshy Denıs Ten VKontakte áleýmettik jelisinde jankúıerleriniń eń qyzyqty suraqtaryna jaýap qaıtarýǵa sóz berdi.
«Kópshiliktiń ótinishimen jáne Denıstiń kelisimimen VKontakte jelisinde «Denıs Tenge suraq qoı» taqyrybyndaǵy top quryldy. Kez-kelgen adam suraq qoıa alady. Olardyń ishindegi eń qyzyqtylaryna jaýap qaıtarylatyn bolady», - delingen Denıs Tenniń Instagramdaǵy paraqshasynda jarııalaǵan habarlamasynda.
Muny estigen jankúıerler belsendi túrde suraqtaryn qoıyp jatyr. Olardy mánerlep syrǵanaýshy qashan shańyraq quratyny, kelesi maýsymnyń baǵdarlamasyna qandaı tórt márte sekirýdi qosatyny, kınoǵa túskisi keletini ne ony qalamaıtyny jáne t.b. qyzyqtyrady.
