Denıs Ten Frantsııada «Trophée Eric Bompard» kezeńine qatysady
ASTANA. QazAqparat - 2014 jylǵy Olımpıada oıyndarynyń qola júldegeri, 2013 jylǵy álem chempıonatynyń kúmis júldegeri Denıs Ten 21-23 qarasha aralyǵynda Frantsııada ótetin «Trophée Eric Bompard» gran-prıi serııasy kezeńine qatysady. Bul týraly sportshynyń fan-klýbynyń Instagram-daǵy paraqshasynda habarlanǵan.
«Denıs Chıakogdaǵy Skate America gran-prı serııasynyń birinshi kezeńine qatysqan. Endi ol 21-23 qarasha aralyǵynda Frantsııada ótetin kezeńge qatysady», delingen habarlamada.
Sondaı-aq aqparatta Denıs Tenniń Stefan Lambeldiń «Muzaıdyn ańyzdary» shoýynyń akterlik quramyna kirgeni týraly aıtylǵan. Bul shoý jaqyn arada Frantsııa, Shveıtsarııa jáne basqa da Eýropa elderiniń muzaıdyndarynda óner kórsetpek.
