Denıs Ten: Búkil Qazaqstandy qamtıtyn muz shoýyn ótkizýdi armandaımyn
ASTANA. QazAqparat - Sochıdegi Olımpıadalyq oıyndardyń qola júldegeri Denıs Ten álemdik mánerlep syrǵanaý juldyzdarynyń qatysýymen búkil Qazaqstandy qamtıtyn muz shoýyn ótkizgisi keletinin aıtty. Bul týraly qazaqstandyq sportshy «Periscope» áleýmettik jelisinde tikeleı translıatsııa júrgizý kezinde málim etti.
«Men Qazaqstannyń basqa qalalarynda yqylaspen shoý ótkizer edim, - dedi ol. - Ony uıymdastyrýdyń ózi eńbekti kóp qajet etetin óte qıyn jumys. Oǵan meniń ýaqytym da bolmaı tur. Meniń armanym - Qazaqstandy kórsetý, eldegi mánerlep syrǵanaýdy kórsetý, soǵan sáıkes uzaqmerzimdi keleshekte men búkil elde týr ótkizgim keledi, sondyqtan ony ýaqyt kórsetedi».
Eske sala keteıik, álemdik mánerlep syrǵanaý juldyzdarynyń qatysýymen alǵash ret «Denıs jáne dostary» muz shoýy 2013 jyly Astanada jáne Almatyda ótken bolatyn. Onda óner kórsetýler mýzykamen kórkemdeldi, shoýdyń sońynda oǵan qatysýshylar qazaq ulttyq kıimderin kıip, birge syrǵanaq tepti.
Kelesi shoýdyń mán-jaıy týraly Denıs Ten mańyzdy jarystardan keıin aıtyp qalýy múmkin.
