Denıs Ten Avstrııadaǵy týrnırde chempıon atandy
ASTANA. 23 qarasha. QazAqparat - Qazaqstan mánerlep syrǵanaý sportshysy Denıs Ten Avstrııanyń Grats qalasynda Icechallenge týrnıriniń qysqa baǵdarlamasynda jeńiske jetti, dep habarlaıdy Vesti.kz.
Óz baǵdarlamasyn aına-qatesiz oryndaǵan jerlesimiz 88,19 upaı jınap, qarsylastarynan oq boıy ozyp shyqty.
Salystyrar bolsaq, ekinshi orynǵa taban tiregen reseılik Gordeı Gorshkovtyń jınaǵan upaıy 66,56. Úzdikter úshtigi 64,32 upaı jınaǵan Avstrııa ókili Vıktor Pfaıfermen aıaqtaldy.
Avstrııada bul týrnır 2009 jyldan bastap ótkizilip kele jatqanyn aıta ketý kerek.
