Denıs Ten aýyr jaraqattan keıin sekirýdiń qanshalyqty qıyn ekenin aıtty
ASTANA. QazAqparat - Qazaqstandyq mánerlep syrǵanaý sheberi Denıs Ten aýyr jaraqatynan keıin qaıta babyna kelýdiń qanshalyqty qıyn bolyp jatqany týraly áńgimeledi, dep habarlaıdy «QazAqparat» HAA.
Eske sala ketsek, jýyrda ol Qytaıdyń Shanhaı qalasynda ótken Shanghai Trophy týrnırinde erkin baǵdarlama boıynsha úshinshi oryndy alǵan bolatyn.
«Quttyqtaǵandaryńyzǵa rahmet! Frantsııada ótken Gran-prı kezeńi men Qytaıdaǵy Shanghai Trophy týrnırinde ózimdi damyta alǵanyma qýanyshtymyn. Jarystar meni qaıta babyma keltiredi. Kún saıyn eń joǵary deńgeıde jattyǵa almaımyn. Qalǵan jattyǵýdyń ornyn zaldaǵy jumyspen toltyrýǵa týra keledi. Muzdaǵy árbir sekiris, aıaqpen muzǵa túserdegi múlt ketý jaraqat ornyna soqqy beredi», - dep jazdy Denıs Instagramǵa.
«Búgin tobyǵyma kıgen breısti (brace) sheshtim. Almatyda bolatyn az kúnniń ishinde medıtsınalyq tekserýden ótemin. Muzda kezdeskenshe!» - deıdi ol.
Buryn ol 2018 jyly Koreıada ótetin qysqy Olımpıada oıyndaryna qatysýdan bas tartpaıtynyn bildirgen bolatyn. Ol úshin sportshy aıaǵyna jasalýy tıis otadan da bas tartty.
