Denıs Ten Atyraý jastaryna sheberlik sabaǵyn ótkizdi
Aldymen jergilikti jas sportshylar sheberlikterin kórsetip, ózderiniń ádemi baǵdarlamalaryn oryndady. Keıin Denıs Ten ortaǵa shyǵyp, óziniń tájirıbesimen bólisti.
«Qazaqstannyń barlyq muz aıdyndaryn aralap kórdim. Atyraýdaǵy jaǵdaıǵa tań qaldym jáne qýandym. Munda kishkene balalar úshin mánerlep syrǵanaýǵa barlyq jaǵdaı jasalǵan eken. Atyraýdaǵy tegin úıirmelerdi basqa oblystardan kezdestirý qıyn»,- deıdi álemge tanymal mánerlep syrǵanaýshy.
Chempıonmen kezdesý úshin tek ǵana jastar emes, osy bir sport túrin súıip kóretin jáne Denıs Tenniń jankúıerleri de jınaldy. Sheberlik saǵatynan soń mánerlep syrǵanaýshy jaqsy áser alǵanyn, Atyraýda mundaı jyly qarsy alady dep kútpegenin jetkizdi.
Sportshy ázirge Olımpıada oıyndarynan keıin demalýda. Ol jaraqaty ońalǵan soń qaıta muz aıdynyna shyǵyp, úlken belesterdi baǵyndyrýdy maqsat qoıyp otyrǵanyn aıtty.
Abaı Abylaıuly
