Denıs Ten ashyq jattyǵý ótkizdi
ASTANA. QazAqparat - Almatyda «Halyq Arena» muz aıdynynyń ashylýyna oraı Sochıde ótken qysqy Olımpıada oıyndarynyń qola júldegeri, mánerlep syrǵanaýshy Denıs Ten ashyq jattyǵý ótkizdi.
Jınalǵan jas sportshylarǵa dańqty mánerlep syrǵanaýshy sheberlik sabaǵyn ótkizip, óte kúrdeli sporttyq elementterdi oryndaý qupııalarymen bólisti. 3 myń adam sııatyn jańa muz aıdynynda shamamen 30 jas mánerlep syrǵanaýshy óner kórsetti.
«Almatyda álemdik sporttyq nysandardan birde-bir kem emes osyndaı arenanyń ashylǵanyna óte qýanyshtymyn. Álemniń túrli elderinde boldym, sondyqtan bólisýge turarlyq daǵdylarym bar dep oılaımyn. Menińshe, dál osy balalardan bolashaqta álemdik juldyzdar mindetti túrde shyǵady», - dedi D.Ten. 
