Denıs Ten álem chempıonatynyń qysqa baǵdarlamasynda ekinshi boldy
ASTANA. 14 naýryz. QazAqparat - Qazaqstandyq Denıs Ten kanadalyq Londonda ótip jatqan mánerlep syrǵanaýdan álem chempıonatynyń qysqa baǵdarlamasynda ekinshi nátıjeni kórsetti, dep habarlady Vesti.kz tilshisi.
Qysqa baǵdarlamada erlerdiń jeke ónerinde 98,37 ball jınaǵan kanadalyq syrǵanaýshy Patrık Chan kóshbasshy atandy. Bul nátıje qysqa baǵdarlamadaǵy jarystardy sot tóreliginiń jańa júıesi boıynsha ótkizý tarıhyndaǵy eń úzdigi boldy.
D. Ten jalpy 91,56 upaı jınady. Úshinshi nátıjeni Kanadanyń taǵy bir ókili - Kevın Reınolds (85,16) kórsetti.
Qazaqstandyq sportshy Abzal Raqymǵalıev 59,14 ball jınap, 28-shi orynnan kórindi, biraq erikti baǵdarlamaǵa óte almady.
Erlerdiń jeke syrǵanaýyndaǵy erikti baǵdarlamadaǵy jarystar juma kúni ótedi.
