Denıs Ten Álem chempıonatynyń erkin baǵdarlama kezeńine ótti
ASTANA. QazAqparat - Fınlıandııa eliniń astanasy Helsınkıde ótip jatqan Álem chempıonatynda qazaqstandyq sportshy Denıs Ten qysqa baǵdarlamada 9-oryn aldy, dep habarlaıdy QazAqparat tilshisi.
Otandasymyz óz jattyǵýyn sátti oryndap, 90,18 upaı jınady. Osylaısha, maýsymdaǵy eń úlken nátıjesine qol jetkizdi.
Qysqa baǵdarlama qorytyndysy boıynsha, ıspandyq Haver Fernandes birinshi orynǵa ıe boldy. Ol 109,05 upaıǵa qol jetkizdi. Ekinshi orynǵa 104,86 upaımen japondyq mánerlep syrǵanaýshy Shoma Ýno ıelik etse, Úshinshi oryndy 102,13 upaı jınaǵan kanadalyq Patrık Chen jeńip aldy.
Denıs Ten 9-oryn alǵanymen erkin baǵdarlama kezeńine ótti. Bul kezeńge sportshylar 1 sáýir kúni shyǵady. Otandasymyz alǵashqy ondyqtaǵy ornyn saqtap qaldy. 2018 jylǵy Olımpıada oıyndaryna Qazaqstannan eki mánerlep syrǵanaýshy qatysatyn bolady.
Aıta keteıik, Denıs Ten 2014 jyly álem chempıonatynda kúmis medal jeńip alsa, 2015 jyly «qola» alǵan bolatyn.
