Denıs Ten álem chempıonatyna qatyspaıtyn boldy
ASTANA. QazAqparat - Sochı Olımpıadasynyń qola jáne Álem chempıonatynyń kúmis júldegeri qazaqstandyq mánerlep syrǵanaýshy Denıs Ten Japonııada ótetin álem birinshiligine qatyspaıdy.
Bul týraly búgin ol óziniń Tvıtterdegi paraqshasynda málim etti.
«Ókinishke oraı, men álem chempıonatynda bolmaımyn. Kelýdi josparlap otyrǵan jankúıerler aldynda keshirim suraımyn. Barlyǵy sheshilgennen keıin tyń kúshpen qaıtip oralamyn», - dep jazady sportshy. Japonııanyń Saıtame qalasynda 24-30 naýryz kúnderi ótetin birinshilikte Qazaqstan namysyn Abzal Raqymǵalıev qorǵaıtyn boldy.
