Denıs Shıpp QR Joǵary Sot Keńesiniń Tóraǵasy laýazymynan bosatyldy
ASTANA. KAZINFORM – Memleket basshysynyń Jarlyǵymen Denıs Alekseevıch Shıpp Qazaqstan Respýblıkasy Joǵary Sot Keńesiniń Tóraǵasy laýazymynan bosatyldy. Bul týraly Aqordanyń baspasóz qyzmeti málim etti.
Denıs Shıpp 1968 jyldyń 27 aqpanynda dúnıege kelgen.
1996 jyly Omsk Memlekettik Ýnıversıtetin «Quqyqtaný» mamandyǵy boıynsha bitirdi.
Mansaby:
1994 jyldan bastap Soltústik Qazaqstan oblysynyń Keden Basqarmasynda jáne Qarjy polıtsııasy Departamentinde jumys istedi.
Sodan keıin 2003 jyldan bastap Petropavl qalalyq sotynyń sýdıasy, Almaty qalasynyń mamandandyrylǵan qarjylyq sotynyń tóraǵasy qyzmetterin atqardy.
2012 jyldan bastap Qostanaı oblystyq sotynyń azamattyq jáne ákimshilik ister jónindegi apellıatsııalyq sot alqasynyń tóraǵasy boldy.
2015 jyldyń jeltoqsan aıynan bastap Qazaqstan Respýblıkasy Joǵarǵy Sotynyń sýdıasy.
2021 jyldyń maýsymynan bastap Joǵary Sot Keńesiniń Tóraǵasy.
«Qurmet» ordenimen, III dárejeli «Minsiz Qyzmeti úshin», II dárejeli «Minsiz Qyzmeti úshin» medaldarmen jáne «Úsh bı» Qurmet belgisimen, sondaı-aq vedomstvolyq nagradalarmen jáne mereıtoılyq medaldarmen marapattalǵan.
