Denıs Nıkısha short-trekten álem kýbogi kezeńiniń kúmis júldegeri atandy
ASTANA. QazAqparat – Qazaqstandyq Denıs Nıkısha short-trekten Almaty qalasynda ótip jatqan álem kýbogi kezeńiniń kúmis júldegeri atandy, dep habarlaıdy QazAqparat tilshisi.
Denıs Nıkısha óziniń oń jambasyna keletin qashyqtyǵy – 500 metrde júldegerler qataryna qosyldy. A fınalynda óner kórsetken Denıs máre syzyǵyn ekinshi bolyp qıdy. Birinshi jáne úshinshi oryndarǵa ońtústikkoreıalyq sportshylar ıe boldy.
Osy jeńisinen keıin D. Nıkısha álemdik reıtıngide úzdik ondyqqa enip, toǵyzynshy orynǵa kóterildi. Bul – Denıs Nıkıshanyń álem kýbogi kezeńindegi bıylǵy ekinshi tabysy. Solt-Leık-Sıtı (AQSh) qalasynda ótken kezeńde de ol kúmis medalǵa ıe bolǵan edi.
Almaty kezeńinde basqa shorttrekshilerimiz júldege ilige almady.
Aldaǵy aptada Almatyda álem kýboginiń taǵy bir kezeńi ótedi.
Eske sala keteıik, budan buryn short-trekten álem kýbogi kezeńinde Qazaqstan taǵy eki medal alǵanyn jazǵan bolatynbyz.
Foto: olympic.kz
