Denıs Nıkısha short-trekten álem chempıonatynyń fınalyna shyqty
ASTANA. QazAqparat – Qazaqstandyq Denıs Nıkısha short-trekten Ońtústik Koreıa astanasy Seýlde ótip jatqan álem chempıonatynyń fınalyna shyqty, dep habarlaıdy QazAqparat tilshisi.
Denıs Nıkısha 500 metr qashyqtyqta shırek jáne jartylaı fınaldyq saıystaryn sátti ótkizdi.
Sóıtip ol A fınalynda óner kórsetýge joldama aldy. Denıs bes sportshynyń qatarynda birinshilik júldelerin sarapqa salady.
Osyǵan deıin birde-bir qazaqstandyq short-trekshi álem chempıonatynda júldege ilikken emes.
Eske sala keteıik, budan buryn short-trekten álem chempıonatynda 11 qazaqstandyq sportshynyń baq synaıtynyn jazǵan bolatynbyz.
