Denıs Nıkısha qazan aıynyń úzdik sportshysy atandy
NUR-SULTAN. QazAqparat - Qazaqstan Ulttyq Olımpıada komıtetiniń resmı saıtynda qazan aıynyń úzdik sportshysyn anyqtaýǵa arnalǵan saýalnama nátıjesi jarııalandy, dep habarlaıdy QazAqparat.
Qazan aıynyń úzdigi atanýǵa 7 sportshy úmitker boldy. Olar: Denıs Nıkısha, Ádil Ǵalıahmetov (short-trek), Almat Kebispaev (grek-rım kúresi), Jámılıa Baqbergenova (áıelder kúresi), Sofıa Berýltseva, Móldir Jańbyrbaı, Qaısar Alpysbaı (karate).
Daýys berý nátıjesi boıynsha short-trekten Qazaqstan komandasynyń ókili Denıs Nıkısha top jardy.
Daýys berý 7 qarasha kúni 12:00-de aıaqtaldy. Denıs 73,45 paıyzben kósh bastady. Onyń izin ala Jámılıa Baqbergenova men Almat Kebispaev ornalasqan.
