Denıs Mamonov – «Atyraý» fýtbol klýbynyń jańa bas bapkeri

ATYRAÝ. KAZINFORM – Qazaqstandyq 43 jastaǵy jattyqtyrýshy «Atyraý» fýtbol klýbynyń bas bapkeri bolyp taǵaıyndaldy.

Jergilikti fýtbol klýby baspasóz qyzmetiniń málimetinshe, Denıs Mamonov Pavlodar oblysynda dúnıege kelgen. Ol fýtboldaǵy qorǵaýshy jáne jartylaı qorǵaýshy retinde mansabyn «Jetisý» (Taldyqorǵan), «Vostok» (Óskemen), «Taraz» jáne «Esil-Bogatyr» (Petropavl) klýbtarynda ótkizgen.

– Bapker retinde almatylyq «Qaırat» fýtbol klýbynyń qurylymynda, «Jetisý», «Maqtaaral» jáne «Aqsý» fýtbol klýbtarynda qyzmet atqardy. Denıs Nıkolaevıch qazirge deıin 21 jasqa deıingi Qazaqstan jastar quramasynyń aǵa bapkeri boldy. Maýsym basynda «Atyraý» komandasyna qaıta oralǵan ol burynǵy bas bapker Konstantın Gorovenkonyń kómekshisi bolǵan edi, -dep málim etti klýbtyń baspasóz qyzmetinen.

Eske sala ketelik, buǵan deıin «Atyraý» komandasy bas bapkeri mindetin atqarýshynyń óazirgi deńgeı – osy, nátıje bolmaı tur degenin habarlaǵan edik.