Denıs Mamonov «Atyraý» fýtbol klýbynyń bas jattyqtyrýshysy qyzmetinen ketti

ATYRAÝ. KAZINFORM — «Atyraý» fýtbol klýbynyń bas jattyqtyrýshysy Denıs Mamonov qyzmetinen ketti. Ol qyzmetke mamyrdyń sońǵy onkúndiginde kirisken edi. 

«Atyraý» fýtbol klýbynyń bas menedjeri Dıdar Sydyqbektiń deregine súıensek, endi bas jattyqtyrýshynyń mindetin atqarý Nurǵazy Haırýllınge júktelgen. 

— Ózara kelisimge sáıkes komandanyń bas jattyqtyrýshysy Denıs Mamonov, bas jattyqtyrýshynyń assıstenti Rýslan Jáńgirov pen dene shynyqtyrý jónindegi jattyqtyrýshy Sergeı Klınkov qyzmetinen ketti. Olardyń jumysyna rızashylyq bildiremin. Komandany basqa adamdar jınady. Endi aldaǵy kúnderi jańa bas jattyqtyrýshyny tanystyramyz, - dep habarlady Dıdar Sydyqbek. 

Eske sala ketelik, buǵan deıin Denıs Mamonov «Atyraý» fýtbol klýbynyń jańa bas bapkeri bolǵanyn habarlaǵan edik. 
Sondaı-aq, «Atyraý» fýtbol klýby 4 legıonermen aradaǵy kelisimshartty toqtatqan bolatyn. 
Fýtbol klýby taǵy 2 legıonermen, keıin reseılik qaqpashymen kelisimshartty buzǵanyn jazǵan bolatynbyz.