Denıs Lebedev: «Shúmenov - jaqsy boksshy, biraq men odan myqtymyn»
ASTANA. QazAqparat - WBA jáne IBF nusqalary boıynsha birinshi aýyr salmaqtaǵy álem chempıony, reseılik Denıs Lebedev aldaǵy birneshe aıda kezdesýi múmkin áleýetti qarsylasy - qazaqstandyq boksshy Beıbit Shúmenov týraly pikirimen bólisti, dep jazady sports.ru.
«Jekpe-jek kúnin belgilesin, oǵan daıyndalamyz. Bul jekpe-jekti ótkizgim kelmeıtinimniń jalǵyz sebebi - onyń bir ret, odan keıin ekinshi ret bolmaı qalý múmkin ekeninde. Eger Shúmenovtiń sporttyq jolyn qadaǵalasańyzdar, bul jaǵdaıdyń únemi oryn alyp otyratynyn kóresiz. «Únemi» sózin bólip kórsetseńizder de bolady.
Qazir meniń jaǵdaıym jaqsy, bul úzilister maǵan kerek emes. Ýaqytqa baǵynyshty bolǵandyqtan, jekpe-jekti tezdetip ótkizgim keledi. Shúmenov - jaqsy boksshy, biraq men odan myqtymyn», - dedi Lebedev.
