Denıs Kýzın Kalgarıde ótken Álem kýbogi kezeńinde tórtinshi orynǵa ıe boldy
ASTANA. 10 qarasha. QazAqparat - Qazaqstandyq Denıs Kýzın Kalgarıde ótip jatqan konkımen júgirý sportynan Álem kýboginiń birinshi kezeńinde 1000 metr qashyqtyqta márege tórtinshi bolyp keldi, dep habarlaıdy Vesti.kz.
Amerıkandyq Shanı Devıs 1000 metrlikti 1 mınýt 7,46 sekýndta júgirip ótip, jarys jeńimpazy atandy. Ekinshi oryndy Nıderlandy sportshysy Keld Neıs (+0,11 sekýndy) ıelense, úshinshi satyǵa amerıkandyq Braıan Hansen (0,18) jaıǵasty.
Qazaqstandyq sportshy 1000 metr qashyqtyqty 1 mınýt 7,71 sekýndta júgirip ótti, ol jeńimpazdan 0,25 sekýndqa qalyp qoıdy. Osy nátıjeniń arqasynda Kýzın enshisine 60 upaı qosty.
Esterińizge sala keteıik, 24 jastaǵy Kýzın 2013 jyly Sochıde ótken álem birinshiliginde top jarǵan bolatyn.
Aıta keteıik, «A» tobynda synǵa túsken taǵy bir qazaqstandyq Ekaterına Aıdova 500 metr qashyqtyqta 15-shi nátıje kórsetip, qorjynyna 14 upaı saldy.
